GITAHO sa Associated Press (AP) nga sa kadaghan sa mga utang sa mipanaw nga King of Pop nga si Michael Jackson, nigamit sila og 20 ka mga alyas aron nga maka-apply og loan sa bangko.

Sa usa ka taho sa The Sun nga nigawas sa website nga Metro, aron nga matago sa mga bangko ang iyang di maayong credit history, nigamit ang King of Pop ug lahi-lahi nga pangalan aron di mabuking sa mga financier.
Lakip sa iyang gigamit nga pangalan mao ang President Mr Michael Jackson, Michael JJJ Christ-Jehovah, Michael J Jackson ChristJeh, Michael Jackson Jehovah ug Mike J Jackson.

Gisuwayan sab niyang gamiton niya nga gamiton ang first name as Micheal ug Micheel.

Sa pikas bahin, nigukod na sab sa korte ang kanhing asawa ni Jackson nga si Debbie Rowe mao nga nalangan ang custody hearing alang sa ilang mga anak.

Duha sa tulo ka mga anak ni Michael ang giangkon ni Debbie nga sila Michael Joseph Jr. (nga mas nailhang Prince Michael), 12, ug Paris Michael Katherine, 11.

Sa testamentong nabiyaan ni MJ, iyang gibilin ang mga anak sa iyang inahan nga si Katherine o kang Diana Ross. Iyang gihuboan sa katungod si Debbie sa mga bata.

Sumala ni Debbie, nagkarelasyon sila ni Michael aron lamang nga magka-anak siya. Nidawat siya og $8.5 milyones human sila mag-diborsiyo.

Ang ikatulo ug kinamanghurang anak ni MJ nga si Prince Michael II, 7 anyos, nahimo pinaagi sa usa ka surrogate mother. (AP)